Америкалык атактуу миллиардер Жорж Сорос 17-ноябрда Бишкекке келип, Борбор Азиядагы Америка университетинин студенттери менен жолуккан соң, аны президент Атамбаев кабыл алды. Бирок Соростун сапарына каршы “Русский мир” деп аталган орусиячыл коомдун уюштурган митинги көпчүлүктүн көңүлүн бурду. Буга чейин да Кыргызстанда Орусиянын таасири кескин күчөдү деген сындар көбөйгөн. Кыргызстан тышкы саясатта бир гана өлкөгө ыктаганы кандай кесепеттерге алып келиши мүмкүн? “Ыңгайсыз суроолорго” бул ирет Жогорку Кеңештин депутаты Өмүрбек Абдрахманов жана укук коргоочу Токтайым Үмөталиева катышты.