Москвадагы Внукова аэропортунда 20-октябрдан 21ине караган түнү учууга даярданып жаткан учак кар тазалоочу машинаны сүзүп алды. Бул кырсыкта франциялык Total мунай компаниясынын президентти Кристоф де Маржери жана учактын үч экипажы каза болду. Орусиянын Тергөө комитети кар тазалоочу унаанын айдоочусу мас абалында болгонун билдирди.
Total дүйнөдөгү ири беш мунай компаниянын катарына кирет. 63 жаштагы Маржери аны 2007-жылдан бери башкарып келаткан. (КЕ)
