Ак-Сай: "Бизди деги ким угат?"

Кыргызстандын ИИМи кабарлагандай, быйылкы 10 айда өлкөдө 41 жолу чек ара жаңжалы катталган. Анын көпчүлүгү кыргыз-тажик чек арасында болду. 27-апрелде Баткен облусундагы Тажикстандын Ворух анклавына туташ жердеги Ак-Сай айылында чыккан жаңжал алардын эң ириси болуп калды. Эки күн бою жол жабык турду, бир топ адам жаракат алып, машинелер талкаланды. “Калкы эки миңге жетпеген айылдын эли бүгүн да коркуу сезими менен жашайт”, - дейт жакында Ак-Сайда болгон кабарчыбыз Төрөкул Дооров. Назарыңыздарга “Данисте” документалдуу радио программабыздын жаңы чыгарылышын сунуштайбыз.