Дооронбек Садырбаев “чагымчылар” жана “самосуд” боюнча
2007-жылы президент Курманбек Бакиевдин кызматтан кетишин талап кылган мөөнөтсүз апрель митингдерин жана анын башында турган “Бириккен фронт” кыймылынын башчысы Феликс Куловду колдобогондордун катарында калган Жогорку Кеңештин депутаты, "Реформа үчүн" кыймылынын мүчөсү Дооронбек Садырбаев да болгон. Апрель акцияларынын учурунда митингичилер тарабынан “чагымчылар” деп саналгандар сабалып, бул окуя мыйзамга каршы келген “самосуд” деп бааланып, талкууга түшкөн. Депутат Дооронбек Садырбаев аталган окуянын айланасында “Азаттыктын” кабарчысы Бурулкан Сарыгулова менен парламенттин имаратында танапис маалында баарлашып отуруп, Кыргызстанды мыйзамдуулук гана сактап каларын мисалдар аркылуу айтып берген.
