Бишкекте 7-июлда жапондордун "Танабата" фестивалы өттү. Бул түнү Саманчынын жолу галактикасында Вега, Альтаир жылдыздары тогошот. Жапон уламышында ал экөө бир кезде Орихиме жана Хикобоши деген сүйүшкөн кыз-жигит экен. Атасы тыюу салып, бир жылда бир гана жолуша турган болот. Жапондор бул күнү эң жакшы каалоо, ой-тилектерин "танзаку" кагазына жазып, андан жылдызча жасап бамбуктун бутагына илет. Уламышты кыргыз-жапон борборунун кызматкери Каныкей Жорупбекова айтып берди.