1970-жылдары атагы чыккан аваздык-аспаптык музыкалык топ кайрадан жанданды. Ушул күндөрү кайрадан түзүлүп чыккан топ Нарын шаарында алгачкы "Кайра жаралуу" концерттик программасын тартуулады. "Гүлдесте" Нарын шаарынын маданият үйүндө 1971-жылы түзүлгөн. Ошол кезде аспаптары жок ыр ышкыбоздору колго жасап алган гитаралар менен топ түзүшкөн. Топ учурунда жаштардын республикалык, союздук чыгармачыл кароо-сынактарынын, фестивалдардын жеңүүчүсү болгон.