Ош жана Жалал-Абад шаарларын калыбына келтирүү боюнча мамлекеттик дирекциянын ишин текшерген депутаттык комиссия дирекция финансылык мыйзам бузууларга жол берип, курулуш иштерин сапатсыз жүргүзгөн деп жатат. Дирекциянын мурдагы жетекчилери дооматтарды четке кагып, корутунду бир жактуу болуп калганын белгилешет. Бул аптада парламент комиссиянын отчетун кароону улантат. "Ыңгайсыз суроолорго" Жогорку Кеңештин депутаты Нарынбек Молдобаев жана өкмөттүн аппарат жетекчисинин орун басары Каданбай Бактыгулов катышты.