50 жаштагы Мухтар Масалиев 10 жылдан бери Дордой базарынын жанындагы айланма жолдо шыпыргы сатып, андан түшкөн каражатка үй-бүлөсүн эч нерседен кем кылбай багууда. 11 уулу бар, улуусу 27де болсо, кичүүсүнө эми 2 ай толот. Жубайы үйдө бала багуу менен алек. Ал өзү жалгыз жайды жайлай 2 гектар жерине эккен шыпыргысын кыштата жол боюнда отуруп сатат. Жардам сурап бирөөлөрдүн эшигин кагып көргөн жан эмес. Ал эртеби-кечпи ак эмгектин акыбети кайтаарына ишенип жашайт. (Уланбек Эгизбаев)