Кыргыз өкмөтү менен “Центерра Голд” ишканасы "Кумтөр" алтын кенин биргелешип иштетүү боюнча түшүнүшүү меморандумуна кол коюшту. Мында тараптар теңме-тең үлүшкө ээ болушат. Өкмөт бул келишимде Кыргызстан бир топ утушка ээ болгонун айтып жатат, бирок жаңы келишим Кыргызстандын кызыкчылыгына жооп бербейт дегендер да жок эмес. Талкууга "Ата Мекен" фракциясынын лидери Өмүрбек Текебаев жана “Кыргызалтын” ААК башкармалыгынын жетекчиси Дилгер Жапаров катышты. (1-бөлүк)