Түркмөнстан: Аркадагдын туулган күнү

Президент Гурбангулы Бердимухаммедов 56 жашка толгонун Каспий деңизинин жээгиндеги баасы эки миллиард доллар турган «Авази» курортунда чоң шаан-шөкөт менен майрамдады. Атактуу америкалык ырчы Женнифер Лопес, орусиялык Филипп Киркоров, түркиялык Мустафа Сандал баштаган бир нече өлкөнүн таанымалдары тойго чакырылды. Эл аралык укук коргоо уюмдары Женнифер Лопестин адам укуктары басмырланган өлкөнүн башчысын куттуктап ырдаганын сындады. Ырчы тараткан билдирүүдө эгер ал Түркмөнстандагы адам укуктарынын абалын билсе, анда бул концертке катышмак эместиги айтылат.(Түркмөнстандын "Ýaşlyk" телеканалынын тасмасы)