АКШнын Эл аралык өнүгүү агенттиги (USAID) Кыргызстандын Жогорку Сотуна көрсөтүп келаткан жардамын улантат. Бул тууралуу бүгүн аталган уюмдун Кыргызстандагы өкүлү Кэрри Гордон Жогорку Сот төрайымы Феруза Жамашева менен жолугууда айтты. Эки тараптуу кызматташтыкты кеңейтүү тууралуу сөз болду. Келерки жылдан тарта IDLO программасынын жардамы менен соттун жаңы интернет-порталы иштей баштамай болду. Ал заманбап технологиянын негизинде иштелип чыгаарын "Азаттыкка" Жогорку Соттун маалымат катчысы Айнура Токтошева кабарлады. (RK)
