Кошмо Штаттары дагы эки сириялык дипломаттын режимден качканын кабарлады. Сириянын Араб Эмираттарындагы жана Кипрдеги өкүлдөрү - күйөөсү менен аялы, маалыматтарга караганда, Катарда баш калка табышты. Ак Үйдүн басма сөз катчысы Жэй Карней расмий адамдар Башар Асаддын режиминин кулашына “саналуу күндөр” калганын түшүнүп өлкөдөн качып жатышат деп комментариялады. Сирия элчилигинин Омандагы аскердик атташеси да мекенине кайтуудан баш тарткан.
