Андрей Гейм менен Константин Новоселов графен түзүүдөгү иштери үчүн абройлуу сыйлыкка арзышты. Графен – көмүртектин жалгыз атомдуу катмары, бул материалдын өзгөчө касиеттери көп, ал эң катуу зат, электр тогун өткөрөт, ушундан улам графенди электроникада кеңири колдонууга болот. Сыйлык тапшыруу аземи 10-декабрда Стокголмда болот, анын суммасы 10 миллион швед кронуна (бир миллион евродон саал көбүрөөк) барабар.
