Нигериянын футбол командасы дүйнөлүк чемпионатта биринчи айлампада эле жеңилип калгандан кийин, бул өлкөнүн президенти Гудлак Жонатан улуттук командага эл аралык мелдештерге катышууга 2 жылга тыюу салган. Ал эми Францияда улуттук команданын машыктыруучусу Раймонд Доменех француз командасынын утулуп калышы боюнча парламенттин алдында сурак берген. ФИФА Нигерияны «футболго саясий кийлигишүүнү көтөрө албайбыз» деп эскертти. Футбол федерациясынын маалымат катчысы Николя Менгот ошондой эле ФИФА Франциядагы кырдаалга тыкыр көз салып жаткандыгын билдирди.
