Анда “Кыргызстандын түштүгүндөгү трагедиянын автору ким?” деген теманын алкагында сөз болуп, ага Улуттук копсуздук боюнча мамлекеттик комитеттин төрагасынын милдетин аткаруучу Кеңешбек Дүйшөбаев катышаарын аталган мекемеден кабарлашты.
Саламаттыкты сактоо министрлиги Ош жана Жалал-Абадда болгон ушул айдагы кандуу окуяларда каза тапкан адамдардын саны азыр 251 адамга жеткенин кабарлоодо. Бирок айрым байкоочулар бул сан мындан алда канча көп болушу мүмкүндүгүн айтып жатышат. Өткөөл мезгилдин президенти Роза Отунбаева да калабада каза тапкандардын саны расмий маалыматтардан көп болушу мүмкүн экенин буга чейин айткан болчу. (AzK)
