УЕФАнын жетекчиси Мишел Платини Киевдеги стадиондун курулушу өз убагында аяктабаса, Украина 2012-жылкы Европа чемпионатын өткөрүү укугунан айрылып калышы мүмкүн деп эскертти. Платини жакын арада Украинанын жаңы президенти Виктор Янукович менен кездешип, Киев менен Львовдо дүйнөлүк талаптарга дал келген стадиондор белгиленген мөөнөттө курулуп бүтөт деген кепилдик талап кылмакчы. Украина жана Польша Европа чемпионатына ар бири төрттөн стадион сунуш кылууга тийиш.
