Бириккен Улуттар Уюмунун Кыргызстандагы өкүлчүлүгүнөн маалымдашкандай, аталган программа энергетикалык жана азык-түлүк каатчылыгынын алдын алууга багытталмакчы. Буга карата 3-мартта Бишкектеги БУУнун үйүндө жыйын болот. Иш-чарага биринчи вице-премьер-министр Акылбек Жапаров, Өнүктүрүү, инвестиция жана инновация боюнча борбордук агенттиктин башчысынын орун басары Азамат Дикамбаев жана БУУнун Кыргызстандагы туруктуу координатору Нил Волкер катышат. Кыргызстан БУУга 1992-жылдан тарта мүчө. (EBM)
