Бул тууралуу партиянын лидери Өмүрбек Текебаев “Азаттыкка” билдирди. Анын айтымында, саясатчылардын тобу Конституциялык сотко түшкү саат 14:00 барып, арызды тапшырышат. Анда президент Курманбек Бакиев тарабынан Конституциянын талаптарынын бузулушуна баа берүү өтүнүчү коюлат. Өмүрбек Текебаевдин пикиринде, Президент Президенттик администрацияны, Мамлекеттик катчы, Коопсуздук кеңеши кызматтарын жоюуп Конституциянын, уулун өз жанына кызматка алуу менен “Мамлекеттик кызмат жөнүндө” мыйзам талаптарын бузду. Бийлик тараптан оппозиция лидеринин айыптоосуна жооп боло элек.(AiT)
