Бул тууралуу Конституциялык соттун төрайымы Светлана Сыдыкова “ Сот арачылар: эл аралык тажрыйба жана Кыргызстанда өнүгүү келечеги” аттуу конференцияда билдирди. Анын айтымында, сот арачылар (суд присяжных- округдук соттун заседаниелерине катышып, айыпталуучунун күнөөлүү же күнөөсүз экенин жалпы жонунан аныктоочу кишилер) Кыргызстанда баян сыяктуу сезилгени менен бул институттун ишке кириши менен жарандардын ишенимин арттырат. Эске сала кетүүчү нерсе, сот арачылар институту 2012-жылы Бишкек шаары менен Ош облусунда, 2013-жылы Жалал-Абад, Чүй, Ысык-Көл облустарында, 2014-жылы башка аймактарда жана аскердик сотто киргизилет. (AJ)
