Кыргыз циркинин макамы жогорулашы мүмкүн

Учурда Маданият министрлигинде кыргыз циркине Улуттук цирк деген макам ыйгаруу маселеси каралууда. “Эгерде цирк жаңы макамга ээ болсо, анда анын кызматкерлеринин айлык акысы да алардын кызматтарына жараша жогорулашы мүмкүн”, - деп билдирет министрликтин маалымат кызматы.
Министр Султан Раевдин айтымында, акыркы жылдары мамлекеттик циркке көп көнүл бурулуп, ремонт иштери жүргүзүлгөндүктөн башка атактуу цирк коллективдери гастролго байма-бай келе башташты. (Azk)