“Эркиндик күнү” деп аталган митингиге Минскиде 4 миңдей киши катышты.1918-жылы 25-мартта кыска мөөнөткө Беларусь мамлекетинин эгемендүүлүгүнүн эркиндиги жарыяланган. Бийликтер митингди шаар борборунан алыс паркта өткөрүүнү сунуштаган. Бирок демонстрантчылар шаардын борборун карай жылышкан. Алардын үн күчөткүчтөрүн алып, өкмөт үйүн карай бараткан жолду милиция тоскон менен демонстранттарга күч колдонгон жок. Бул президент Лукашенконун батыш менен жакындашуу аракетине байланыштуу болгонун оппозиция өкүлдөрү белгилешүүдө.
