Шаршембиде Американын алдыңкы компанияларынын акциялары дээрлик беш пайыздан жогору көрсөткүчкө төмөндөдү. Dow Jones тун индекси 8000 пунктка ылдыйлаган, бул 2003-жылдын март айынан берки эң эле төмөнкү көрсөткүч. Мындай солгундоо АКШнын борбордук банкынын келээрки жылы экономикалык өсүш кескин начарлайт деген алдын ала билдирүүсүнөн улам болгон. Ошондой эле АКШ Конгрессинин автоунаа өнөр-жайына колдоо ирээтинде 25 миллиард доллар каражат бөлүү чечиминин узакка созулушу да инвесторлорго терс таасирин тийгизүүдө.
