Мындай пикирин “Азаттыкка” Акыйкатчы Турсунбек Акун билдирди. Анын айтымында, өткөн жылы жана ушул жылдын башында нааразылык акцияларды өткөргөнү үчүн “Мен ишенбейм” кыймылынын мүчөлөрү мыйзамсыз түрдө кармалып, соттолушкан. Аларды кармоо Бишкек шаардык кеңешинин токтомуна ылайык болгон, бирок жакында Конституциялык сот ал токтомду жокко чыгарды. Демек, жаш активисттерди кармоого буйрук бергендер, аларды соттогондор жазага тартылышы керек. Акыйкатчынын айтымында, жакын арада бул маселени иликтөө тууралуу мамлекет башчы, өкмөт жана башка тиешелүү органдарга кайрылуу жолдонот.(AiJu)
