Гезиттин редакциясы соттун талабын аткарбады деп, 22-августа Бишкек шаардык миилциясы кылмыш ишин козголгон. Бул тууралуу гезиттин башкы редактору Бабырбек Жээнбеков бүгүн билдирди. Белгилүү болгондой Биринчи май райондук соту доогер Асылбек Салиевдин пайдасына 1 миллион төлөп берүүгө “Алиби” гезитин милдеттендирген. Жээнбековдун айтымында, гезиттин жамааты 1 миллион сомду 3 айдын ичинде доогерге төлөп берүүгө макулдук сураган. Бирок доогер ага каршы болуп, бардык сумманы бир убакта алууну каалаган. Гезиттин анча сумманы төлөөгө чамасы жок. Ошону менен соттун чечимин аткарбады деген Бишкек шаардык милициясы “Алибине” гезитине каршы кылмыш ишин козгогон.(AiT)
