Түндүк Осетиянын Беслан шаарында болгон ири барымта окуясынын башталганына кечээ күнү эки жыл толду. Шамил Басаевдин буйругу менен мектеп имаратында бир миңден ашык адам барымтага алынган, 3-сентябрда орус аскерлери аларды бошотуу максатында чабуул баштагандан кийин үч жүз отуздан ашык адам курман болгон. Окуяны иликтеген парламенттик комиссиянын отчетун жарыялоо улам кийинкиге калтырылууда, "Беслан энелери" деген коомдук уюмдун мүчөсү Людмила Плиева ага нааразы: "Жетекчилер жетиштүү аракет көрбөй жатат, адистүүлүк жетпей жатат, ошол эле учурда калп көп. Бирок, аны эч ким моюнга алгысы жок", - дейт Плиева.
