Кошмо Штаттардын Сенаты Ирактагы жана Ооганстандагы аскердик операциялар, ошондой эле АКШнын эл аралык аракеттери үчүн 82 миллиард доллар кошумча бөлүү жөнүндөгү мыйзамды бир добуштан колдоду. Мыйзамды өткөн жумада парламенттин Өкүлдөр палатасы бекиткен. Эми мыйзамга президент Буш кол коюш керек. Акчанын 76 миллиард долларга жакыны Ирактагы жана Ооганстандагы операцияларга сарпталат. Калган акча тыш өлкөлөргө жардам жана башка эл аралык программалар үчүн пайдаланылат.
