Россиянын 500дөн ашык ишканасы уюшкан кылмышкерлердин көзөмөлүндө. Бул жөнүндө Россиянын Ички иштер министри Рашид Нургалиев бүгүн Федерациянын кеңешинде сүйлөгөн сөзүндө билдирди. Анын айтымында, өлкөдө азыр регионалдык жана эл аралык байланыштары бар 116 кылмыштуу топ иштейт. Алар баары болуп 4000ден ашык кишини камтыйт. Ошону менен бирге эле Нургалиев ал жетектеген мекеменин 140тай экстремисттик жаштар уюмдарынын аракеттери жөнүндө кабары бар экенин айтты.
