Орус окумуштуусу Кытайга жашыруун сыр саткан деп соттолду

Орусиянын Красноярск шаарынын соту бүгүн Валентин Данилов аттуу окумуштууну Кытай үчүн тыңчылык кылган деп, аны күнөөлүү деп тапты.

Космос технологиясы боюнча жашыруун маалыматтарды саткан деген күнөө менен Данилов 2001-жылдын февралында кармалган, бирок 2003-жылы сот аны актап чыккан. Үстүбүздөгү жылдын башында болсо Орусиянын Жогорку соту ишти кайра карап чыгууга жиберген. Даниловдун айтымында, ал саткан маалыматтын баары орус басма сөзүндө ачык жарыяланган.