Адистердин айтымында, Салык кодексинин улам-улам жаңыланып турушу мыйзамченемдүү зарылдык. 1996-жылы кабыл алынган Салык кодексине деле жыл өтпөй жүзгө жакын өзгөртүү, алымча-кошумчалар киргизилген. Ошондой алымча-кошумчалардын көптүгүнөн негизги экономикалык документте биртоп карама-каршылыктар орун алган. Бул асыресе эркин экономикалык аймактардан салык жыйноого байланыштуу келип чыккан. Жаңы Салык кодексинде алдагыдай алешемдиктер четтетилип, салык жыйноонун жол-жобосу так, анан да жыйынтыктуу берилмек.
Кыргызстандын Каржы министринин орунбасары Мурат Исмаилов комиссия күн кур эмес жыйналып, баса олтуруп Салык кодексин жаңылоо аракетин жасаарын ушул жылдын августунда эле маалымдаган.
Эксперттик топтун мүчөсү Равкат Хасановдун айтымында, өкмөт комиссияга биртоп маселелерди өз алдынча чечүүнү тапшырган.
Мурат Исмаиловдун ырасташынча, жаңы Салык кодекси салык жыйноо, чогултуу жаатындагы стратегиялык багытты, концепцияны өзгөртүүнү түшүндүрбөйт. Салык жыйноо, чогултуунун негизги багыттары 2002-жылы аныкталып, ага кошумча президент жарлыгы менен мамлекеттик жыйымдар реформасы белгиленген.
Каржы министрлигинин алдындагы Кирешелер комитетинин төрага орунбасары Адылбек Касымалиев жаңы Салык кодексинин негизги өзгөчөлүгүн момундайча мүнөздөйт:
Жаңы Салык кодексин даярдоочу эксперттик топтун жетекчиси Андрей Красниковдун ырасташынча, документти даярдоо учурунда бир жарым миңге жакын сунуш-пикирлерди иликтеп чыгууга туура келди.
- 1480 ашуун сунуштар келип түшкөндүктөн Каржы министрлигине бюджеттин кирешелер бөлүгүн кайра карап чыгуу тапшырмасы берилген. Анда салык өлчөмүн көбөйтүү же азайтуу канчалык деңгээлде бюджетке таасирин тийгизери аныкталышы керек.
Салык кодексин даярдоочулар менен ага сунуш жөнөткөндөрдүн ортосундагы талаштан улам негизги экономикалык документтин даярдалышы кечеңдөөдө. Талаш барып-келип социалдык маселелердин айланасына топтолууда. Кайсы уюмга кандай салык жеңилдиктерин мамлекет сунуш кыла аларын комиссия чечмекчи. Айрым адистердин айтымында, Салык кодексин кабыл алууга ашыгуунун кажети жок.
Кыргызстандын Каржы министринин орунбасары Мурат Исмаилов комиссия күн кур эмес жыйналып, баса олтуруп Салык кодексин жаңылоо аракетин жасаарын ушул жылдын августунда эле маалымдаган.
-Мындан ары эксперттик топ өкмөттүк комиссия мүчөлөрүнүн айрымдарын тартуу менен күн сайын кечки саат бештен жетиге же сегизге чейин такай иштөөсү тууралуу чечим кабыл алдык.
Эксперттик топтун мүчөсү Равкат Хасановдун айтымында, өкмөт комиссияга биртоп маселелерди өз алдынча чечүүнү тапшырган.
-Жаңы Салык кодексинде кайталоолор болбос үчүн өкмөт башчынын макулдугу менен инвесторлорго берилчү преферциал режими комиссия кароосуна берилди. Бул өтө маанилүү маселе. Мен Инвестициялык матрицага жоопкермин, ошондуктан протокол талабын эске алуу сөзсүз зарыл.
Мурат Исмаиловдун ырасташынча, жаңы Салык кодекси салык жыйноо, чогултуу жаатындагы стратегиялык багытты, концепцияны өзгөртүүнү түшүндүрбөйт. Салык жыйноо, чогултуунун негизги багыттары 2002-жылы аныкталып, ага кошумча президент жарлыгы менен мамлекеттик жыйымдар реформасы белгиленген.
Каржы министрлигинин алдындагы Кирешелер комитетинин төрага орунбасары Адылбек Касымалиев жаңы Салык кодексинин негизги өзгөчөлүгүн момундайча мүнөздөйт:
-Мыйзамдардын баарын чогултуп келип туруп бир кодекске жазып атабыз. Эң башкысы, салык жыйноо жагын көбөйтүп, ким эмне кылыш керектигин, салык төлөөчүлөр кайсы жерде кантип төлөш зарылдыгы, анын жол-жобосу бүт айтылган. Биздин кызматкерлердин милдеттери да так аныкталган. Бүгүнкү күндө иштеп жаткан салык жыйноонун жол-жоболору аз болчу. Салык төлөөчүлөр менен биз көп талашып-тартышып, алар өз пикирин, биз өзүбүздүкүн жактап турчубуз. Салык төлөөчүлөр менен жыйноочулар ортосунда талаш-тартыш болбош керек деп ойлойбуз.
Жаңы Салык кодексин даярдоочу эксперттик топтун жетекчиси Андрей Красниковдун ырасташынча, документти даярдоо учурунда бир жарым миңге жакын сунуш-пикирлерди иликтеп чыгууга туура келди.
- 1480 ашуун сунуштар келип түшкөндүктөн Каржы министрлигине бюджеттин кирешелер бөлүгүн кайра карап чыгуу тапшырмасы берилген. Анда салык өлчөмүн көбөйтүү же азайтуу канчалык деңгээлде бюджетке таасирин тийгизери аныкталышы керек.
Салык кодексин даярдоочулар менен ага сунуш жөнөткөндөрдүн ортосундагы талаштан улам негизги экономикалык документтин даярдалышы кечеңдөөдө. Талаш барып-келип социалдык маселелердин айланасына топтолууда. Кайсы уюмга кандай салык жеңилдиктерин мамлекет сунуш кыла аларын комиссия чечмекчи. Айрым адистердин айтымында, Салык кодексин кабыл алууга ашыгуунун кажети жок.
