КАРАКОЛ. Бул багытта атайын токтом кабыл алынды. Ага ылайык облустун дээрлик баардык райондор менен шаарларда маданият күндөрүн өткөрүү белгиленип, анын жобосу бекитилди, уюштуруу тобу түзүлдү. Облустук маданият башкармасынын башчысы Зинагүл Камбарованын айтымында, маданият күндөрү маданий агартуу мекемелеринин материалдык техникалык базаларын жакшыртуунун жана калк арасындагы таланттарды табуунун, ошондой эле өздүк көркөм чыгармачылыкты өнүктүрүүнүн алкагында өтөт. Облустук акимчилик бул иш чараны уюштуруу үчүн 71 миң сом өлчөмүндөгү акчалай жардам берди.
