БИШКЕК. Эки жарым айга созулган талкуудан кийин Жогорку Кеңештин Мыйзам чыгаруу жыйыны «Жогорку Кеңештин регламенти жөнүндө» мыйзамды кабыл алды. Конституциянын жаңы редакциясынын чегинде кабыл алынган бул мыйзам 5 бөлүмдөн жана 700 беренеден турат. Ал азыркы иштеп жаткан кош палатанын, өткөөл учурдагы жана келерки бир палаталуу Жогорку Кеңештин ишмердүүлүгүн жөнгө салат. Кош палата биргелешип иштеп чыгып, талкууга койгон «Регламент жөнүндөгү» мыйзам эми Эл өкүлдөр жыйынында жактырылса, президентке сунушталат.
