“Азаттыктын” Бишкек бюросунун кызматкери, веб-редактор. Жусуп Баласагын атындагы Улуттук университеттин бүтүрүүчүсү.
Кыргызстанга мындан 100 жыл мурда Европадан “Интергелпо” кооператив уюму келген. Чех, словак, мажар, украин, русин ж.б. улуттардан куралган кооператив мүчөлөрү Кыргызстанда өнөр жай, курулуш тармагынын түптөлүшүнө чоң салым кошкон.
Кыргызстанда активисттер омуртка булчуң атрофиясы менен ооруган балдарга каражат чогултуу өнөктүгүн жүргүзүп жатат.
Аксы окуясына байланыштуу эскерүү иш-чаралары Боспиек айылында жана Бишкек шаарында өттү. Аксы окуясы өлкөнүн демократиялык өнүгүү жолунда адилетсиздикке каршы жалпы элдик көтөрүлүштүн башаты катары бааланып келет. Кыргызстандыктар эркиндиктин кадырын сезип, ошол окуялардын сабагын алдыбы?
Бишкекте көк бөрү боюнча Нооруз турниринде бир улакчы каза тапкан окуядан улам оюндун калысы жана бир көк бөрүчү камакка алынганын Ички иштер министрлиги (ИИМ) маалымдады. Кырсыктан улам мелдеш эки күнгө токтотулган.
Кыргызстанда соңку жылдары эл арасында малдан күйдүргү, кутурма, эхинококкоз, альвеококкоз жуккан учурлар катталууда. Адистер жугуштуу ылаңдар мал ээлеринин кайдыгерлигинен күчөп жатканын айтып келет.
Кыргызстан тарыхында биринчи жолу АКШга эл аралык издөөдө жүргөн жаранды экстрадиция кылды. АКШнын Калифорния штатынын Түндүк округунун прокуратурасы Данхонг “Жан” Чен аттуу аялды федералдык кылмышка айыптаган.
Кыргызстанда соңку жылдары жолбун ит-мышыктар көбөйгөнү айтылууда. Адистер алар жергиликтүү фаунага коркунуч туудурганы аз келгенсип, жугуштуу ылаңдын да таратуучусу болуп жатканын белгилешет.
Кыргызстанда аялдар кыймылынын жүз жылдыгы өлкөдө бир катар таанымал кыз-келиндер камалып, соттолгон учурга туура келди.
Кыргызстанда соңку жылдары дары-дармек тартыштыгы байкалууда. Айрым бейтаптар керектүү дарылар табылбай, табылса да кымбат болуп жатканын айтууда.
“Сергек жашоо” подкастында бүгүн геморройдун сезгениши эмнеге алып келет деген суроого жооп издейбиз.
Кыргыз оймо-чиймеси түшүрүлгөн кийимдерди саткан орусиялык YAKA бренди бир канча күндөн бери кыргызстандыктардын көңүлүн бурууда. Буга компаниянын өз өнүмүнүн “стилистикалык өзгөчөлүгүн” көчүрүп алганга тыюу салып, мындай учурда сотко кайрыла турганын билдиргени себеп болгон.
Кыргызстанда кундуз калбай калганы белгилүү болду. Зоологдордун айтымында, бул сейрек жаныбардын жок болушуна адамдын ишмердиги түздөн түз таасир эткен. Кундуздун үзүлгөн тукумун кайра уласа болобу, ал үчүн кандай иш-аракеттерди кылуу керек?
Кыргызстанда акыркы он жылда ашказандын рак илдетине чалдыккандардын саны көбөйүп, жашарып жатканы айтылып келет. Онкологдор убагында дарыланбаса, дарттын кесепети оор болорун эскертишет.
Соңку айларда Кыргызстанда өтө жарнамаланып келген криптоактив алдамчылык экени ачыкка чыкты. Ага коомчулукка аты белгилүү адамдар да тартылганы, таанымал кишилер иш-чараларына катышканы жана MCN coin криптоактивин уюштуруучулар өкмөттүк басылмага маек курганы талкууга түшүүдө.
Бишкек акыркы жылдары абасы кир шаарлардын тизмесинен түшпөй келет. Мурдагы жылдары экологдор борбор калаанын абасында күкүрттүн кош кычкылы, көмүр кычкыл газы, азот кычкылы баштаган зыяндуу газдар көбөйүп кеткенин айтып, коңгуроо кагышкан.
Кыргызпатент мекемесинин басма сөз катчысы Мээрим Ташыбекова шылуундарга алданганын айтып чыкты. Ал октябрдын башында белгисиз номерден чалган адамдар өздөрүн күч органдарынын жана Улуттук банктын өкүлү катары тааныштырганын, аларга ишенип банктардан ири суммада насыя алганын айтууда.
Баш калаа Бишкектин ыш көйгөйү ушул жумада парламентте көтөрүлдү. Анда депутаттар өкмөттөн абаны булгап жаткан себептерди жоюуну талап кылды. Айрым эл өкүлдөрү соңку жылдары өлкөдө ыштын айынан ден соолугунан ажырагандар болуп жатканын айтышууда.
Кыргызстанда соңку жылдары жүрөк-кан тамыр оорулары жашарганы айтылып келет. Эмнеге бул дарт эмгекке жарамдуу эркектерди тооруйт? Жасалма интеллект, заманбап технологиялар жүрөк илдетин эрте аныктоого кантип жардам берүүдө?
Кыргызстанда коррупцияга айыпталгандарга жазаны катаалдаштыруу мыйзамы күчүнө кирди. Ага ылайык, “Коррупция” беренеси менен соттолгондорго мамлекеттик кызматта иштөөгө өмүр бою тыюу салынат. Андай адамдардын жакындары, туугандары да мамлекеттик жана муниципалдык кызматта иштей албайт.
Климаттын өзгөрүшүнөн улам өлкөдө санитардык-эпидемиологиялык абал курчушу мүмкүнбү? Борбордогу уюлгуган ыш шаар тургундарынын саламаттыгына кандай таасир этүүдө? Өкмөттүк кызматкерлерге дене көнүгүүлөрү керекпи?
Дагы жүктөңүз
