"Азаттыктын" Бишкектеги кабарчысы. 2010-жылдан 2017-жылга чейин Ош облусунда кабарчы болуп иштеген. Ош Мамлекеттик университетинин журналистика факультетин аяктаган.
Июнь коогалаңы учурунда Оштун Шейит-Дөбө конушундагы кандуу окуя боюнча сот 6 кишини эркинен ажыратты.
Июндагы коогалаңда үй-жайсыз калган Кара-Суунун Шарк айылындагы 62 үй-бүлө кычырыган суукта чатырларда күн кечирүүдө.
3-декабрда Ош жана Жалал-Абад шаарларынын башкы пландарын талкуулаган жыйын өттү. Кыргызстандын түштүк баш калаасы кандай болот?
Ош шаарындагы Мажүрүм-Тал көчөсүндө террорчу деп шектелгендерди колго түшүрүү операциясындагы атышуулар шаардыктардын тынчсыздануусун жаратты.
Ош шаарында УККнын атайын бөлүгүнүн күчтөрү өлкө аймагында террордук чабуул уюштурууга даяр турган деп шектелген 3 террорчуну жок кылды.
Ошто кыргыз-өзбек өкүлдөрүнөн куралган үй-бүлөлөр июндагы улут аралык кагылыштан кийинки кризистен кантип чыгып жатат?
Ош шаарынын чет жакасындагы Кызыл-Кыштак жана Ишкеван айылдарындагы жер үлүштөрдү басып алгандар менен облус башчысы С.Жээнбеков жолукту.
Оштун чет жакасындагы айдоо аянттарын ээлеп алууну көздөгөндөр эми шаардын борбордук аянтында митинг уюштуруу чечимине келишти.
Ош шаарына жакын Кызыл-Кыштак жана Ишкеван айылдарынын жанына чогулгандар айдоо аянттарын ээлеп алуу аракетин жасашууда.
Кыргыз эли башка элдерден өзүнүн салты менен айырмаланып турат. Ошолордун бири – той, мааракелерге себет алып баруу.
Мурдагы Ош кыргыз-өзбек университети, азыркы Ош мамлекеттик социалдык университетине быйыл Өзбекстандан абитуриенттер салыштырмалуу өтө аз келди.
Өлкөдөгү акыркы окуялардан кийин кыргыз-өзбек чек ара бекеттери жабылып, Кара-Суу базарына коңшу өлкөдөн кардарлар келбей калган.
Ош шаарында жана анын жанындагы этникалык кагылыш болгон айылдарда шайлоо күчөгөн тартиптин шартында өттү. Майда-барат мыйзам бузуулар катталды.
Июндагы коогалаңдан улам Ошко келген туристтердин саны кескин азайды. Мунун айынан Ош шаарынын бюджети миллион сомго чукул каражаттан кур калды.
Бажы союзу койгон бөгөттөр "Дордой" базарындагы, Өзбекстан менен чек аранын жабылышы "Кара-Суу" базарындагы дүң сооданын көлөмүн кыйла азайтты.
Парламенттик шайлоо жакындаган сайын Оштогу шайлоо комиссиясынын мүчөлөрү өздөрүнүн коопсуздугунан кабатырланышууда. Мурдагы шайлоолордо ар бир участкада 2ден милиция коргоого алган болсо, эми алар 5-6дан сакчы берүүсүн тартип коргоо органдарынан суранууда.
Жаңы окуу жылынын башталышы менен Оштогу мектептерде 344 миң китеп жетишсиз экендиги айтылууда. Айрыкча окутуу орус жана өзбек тилдеринде жүргүзүлгөн мектептер окуу куралдары менен 40% гана камсыз болгон. Ошол себептүү алар Орусия, Өзбекстандан келген окуу китептери менен сабак өтүшүүдө.
Оштогу мектептерде окуучулардын сабакка катышуусу былтыркыга салыштырмалуу 8 пайызга төмөндөгөн. 2009-2010-окуу жылы шаардагы мектептерге жалпы 50 миңге чукул окуучу келген болсо, сентябрдан баштап 41 миң гана окуучу сабакка катышууда. Мектеп жетекчилери мунун себебин июнь айындагы коогалаңдан кийин кооптонгон ата-энелер балдарын башка жактарга которуп жибергендиги менен түшүндүрүшүүдө.
Бийлик парламенттик шайлоонун алдында студенттерди саясий оюндардан алыс кармоо максатында түштүктөгү жогорку окуу жайларында окуунун башталышын 18-октябрга жылдырганына карабастан учурда студенттер шайлоо өнөктүгүнө активдүү катышып жатканы байкалат.
Оштогу айрым бейөкмөт уюмдар жакында боло турган парламенттик шайлоодо диний уюмдардар тарабынан кооптонуу бар экендигин айтышууда. Бул аралыкта айрым диний эстремисттик уюмдар шайлоого катышпоого чакырган баракчаларды таркатып жатканын жергиликтүү укук коргоо органдары билдирүүдө.
Дагы жүктөңүз
