"Азаттыктын" Бишкектеги кабарчысы. 2010-жылдан 2017-жылга чейин Ош облусунда кабарчы болуп иштеген. Ош Мамлекеттик университетинин журналистика факультетин аяктаган.
Ош мэри Мелис Мырзакматов шаарда муниципалдык милиция түзүү демилгесин көтөрүүдө. Ал шаардагы ички иштер кызматын криминалдык жана муниципиалдык деп өзгөртүү менен милициянын ишин жакшырат деп ишенет. Мындай идеяны шаардыктардын айрымдары колдоп, башкалары нааразы болууда.
Ош облусунун Кара-Суу районундагы Ак-Таш айыл округунда кургак учук менен ооругандар киши санына эсептегенде Борбор Азияда биринчи орунга чыккан.
Кыргыз-өзбек чек арасынын "Достук" бекети ачылгандан бери Кара-Суу базарынын соодасы жанданды. Өзбекстандан келген алармандардын саны артып, соодагерлердин капчыгы калыңдоодо.
Ошто шайлоо бекеттеринин коопсуздугу күчөтүлүүдө. Бюлеттендер жеткирилери менен ар бир шайлоо участогун бир нече милиция жана бирден улуттук коопсуздук кызматкери кайтарууга алмакчы болду.
Өткөн жылкы апрель жана июнь окуяларынан кийин Өзбекстан жаап салган өткөрмө бекеттин ачылышы жергиликтүү тургундарды кубанычка салды.
Ош шаарына барган ар бир кишинин көзү андагы жапыз там, кууш көчөлөрдөн турган кварталдарга түшпөй койбойт. Шаарда жүздөп саналган бул жайларды мындагылар «өзбек маалелери» деп коюшат. Үйлөр каз катар туташ салынган бул көчөлөрдө жалаң өзбек тектүүлөр турат. Башкача айтканда бул алардын тиричилигинин үлгүсү катары калыптанып калган.
Оштогу коопсуздук жана тартип коргоо кызматтары шайлоо алдындагы кырдаалды кооптуу деп баалап жатат.
Ошто 9 айдын ичинде диний экстремизмге байланышкан 30 факты катталган. Бул өткөн жылга салыштырмалуу 3 эсеге көп экенин күч органдары белгилешет. Экстремизмге катышы бар деп кармалгандарын баары «Хизб-ут Тахрир» уюмуна мүчо болуп чыкканы белгиленет.
«Аялзат» коомдук уюму Ош шаарындагы жана Ош облусундагы 50 мултиэтникалык мектепте балдарды бири-бири менен достоштуруу долбоорун жүргүзөт.
Ош жана Жалал-Абадда үй-жайынан ажырагандардын кыш алдындагы абалы кандай?
Ошто "Таблиги жамаат" диний кыймылынын иш аракеттери кооптонууну жаратууда. Уюмдун мүчөлөрү даават жолу менен калк арасында салттуу эмес ислам динин жайылтып, шайлоо алдында саясий иштерге аралашышы мүмкүн. Бул тууралуу Дин иштери боюнча комиссия билдирди.
8-октябрда Ошто террорчу деп шектелген бир адам атайын операция учурунда атып өлтүрүлгөнү кабарланды.
Оштогу кыргыз-өзбек университети былтыркы коогалаңдан кийин мамлекеттик социалдык окуу жайы болуп өзгөртүлгөн. Бирок бир жыл өтсө да окуу жайдын жаңы аты расмий бекий элек.
Ошто шайлоо алдында радикалдык диний уюмдардын күч ала баштаганы айтылууда. Ошондой эле “Хизб-ут Тахрир” сыяктуу кыймылдарга мүчө болгон жаштар жана аялдар көбөйүүдө. Муну адистер мечиттерде диниятчылардын калк арасында түшүндүрүү иштерин чала жүргүзгөндүгү менен байланыштырууда.
Ошто президенттик шайлоо алдында этнос аралык маселелер курчуп кетүү коркунучу бар экендиги айтылууда. Шайлоодо упай топтогусу келген айрым талапкерлер аймактар аралык маселени да козгоп жиберүү мүмкүн деп бийликтер билдирүүдө. Аймакта улут аралык же регион аралык тиреш болот деген коркунуч чын эле барбы?
Ош облусундагы 722 мечиттин 177си мыйзамсыз иштеп жатат. Алар бирөөлөрдүн демөөрчүлүгү же ашар жолу менен курулуп, өз алдынча иштеп келүүдө.
Ош облустук ички иштер башкармалыгы 27-сентябрда президенттик шайлоо алдында аймакта улуттар аралык маселелер курчуп кетүү коркунучу бар экенин билдирип чыкты.
Кыргызстанда президенттик шайлоого карата үгүт иштеринин экинчи күнү башталды.
Ошто көп кабаттуу 80 үй жылуулуксуз кышка кирип келатат. Көп жылдардан бери эскирген түтүктөр иштөөгө жараксыз.
Ошто ымыркай балдардын өлүмү өткөн жылга салыштырмалуу 28ге көбөйгөндүгүн айрым маалымат булактары айтып чыкты. Шаардык төрөткана чарчап калган наристелердин саны анчалык көп эмес экендигин билдирүүдө.
Дагы жүктөңүз
