"Азаттыктын" Бишкектеги кабарчысы. 2010-жылдан 2017-жылга чейин Ош облусунда кабарчы болуп иштеген. Ош Мамлекеттик университетинин журналистика факультетин аяктаган.
Бишкектин Горький көчөсүндө жайгашкан 4 кабаттуу имарат боюнча талаш бүтө элек. Транспорт министрлиги 2006-жылга чейин аларга караштуу имаратты «Оргтехстрой» ишканасы мыйзамсыз менчиктештирип алганын айтууда.
Орусиянын "Чет элдик жарандар" жөнүндөгү мыйзамына киргизилген өзгөртүүгө ылайык, эми бул өлкөгө иштегени келгендер максатын так көрсөтүшү керек.
Электр линияларын чыңдоо менен бирге газсыз калган Ошту суюлтулган газ менен жабдуу долбоору ишке кирди.
Интернетке Каракол мэриясынын аппарат жетекчиси Абай Алымкуловго байланыштуу чуулуу тасма жайылды. Анда Алымкулов жашап жаткан батири үчүн 41 миң сомду төлөбөй жатканы айтылат.
Бишкектеги “Кудайберген” тетик базарынын соодагерлери убактылуу кармоочу жайда жаткан базардын кесиптик кошуунунун төрагасы Нурлан Данияровду бошотууну талап кылышууда.
Өзбекстандын бир катар маалымат сайттары Кыргызстандын Өзбекстандагы элчилигинин кызматкери Канатбек Шаршенбек Ташкенге аракты мыйзамсыз ташыганын жазып чыгышты.
Газсыз калган Ош шаары кыштан кантип чыгуунун жолдорун издөө менен алек.
Ордо калаада дүйшөмбү күнү кичи автобустардын - маршруттук каттамдардын айдоочулары ишке чыккан жок.
Өкмөт башчы Жоомарт Оторбаев Оштун кыштан аман чыгып кетүүсүнө Орусиядан келген 30 млн. доллардын баары сарпталарын аймактагы иш-сапарында ачык айтты.
Араван районундагы багбан Шавкат Байбабаев Улуттук коопсуздук кызматкерлери андан акча талап кылып, коркутуп жатканын айтып чыкты.
30 килограмм маңзат ордуна Тажикстанда "күрөөгө" коюлган үч кыргызстандык куткарылды.
Сот чечими менен ОшТВны өз көзөмөлүнө алган мамлекеттик мүлк фонду ага жаңы директор дайындады. Бирок каналдын мурдагы жетекчиси ордун бошотпой жатат.
Ош облусунда ажылыкка аттанчулар чүчүкулак кармоо калыс өтпөгөнүнө нааразы болушууда.
Оштогу эстакада көпүрөнүн каржысы толугу менен орусиялык гранттын эсебинен курулат. Бул тууралуу президент Алмазбек Атамбаевдин Ошко сапары учурунда белгилүү болду.
Камактагы депутат Келдибековдун тарапкерлери аны бошотуу талабы менен Ош - Эркеч-Там жолун 27-майдан бери бууп турат. Жол тосуу мыйзамсыз деген соттун чечими да чыккан, ал чечим боюнча 16-июнда жол ачылышы керек эле. Жол тосуу мындан сырткары Алайдан ары жайгашкан айылдардагы жашоону да оорлотуп, баалардын кымбатташына алып келди.
Июнь коогалаңына бүгүн 10-июнда 4 жыл толду. Мунун алкагында Ошто ынтымакка чакыруу иш-чаралары, каза болгондорду эскерүү иш-чаралары уюштурулду.
Ош: дайынсыз жоголгондорго эстелик ачылды
Ош - Эркеч-Там жолу 27-майдан бери Сопу-Коргондо жабылып турат. Жол тоскондор депутат Акматбек Келдибековду бошотуу талабын коюуда. 8-июнга карай жол тоскон жерде тигилген боз үйлөрдүн саны он бешке жетти.
Ош шаарынын тургундары газы жок турмуш кечиргенине эки айга чукулдады. Баары электрге өткөнү жарык тынбай өчүп, эл кыйналууда. Шаардагы Газ башкармалыгы болсо жакын арада көгүлтүр от келерин убада кылууда.
Ош – Эркеч-Там жолун тоскондор боюнча эки кылмыш иши козголду. Бирок ошого карабай камакта жаткан Жогорку Кеңеш депутаты Акматбек Келдибековдун жактоочулары 7 күндөн бери эл аралык жолду жаап турушат. Акция катышуучулары Акматбек Келдибеков үй камагына чыгарылбаса, бийлик өкүлдөрүнө каршы катаал аракеттерге барышарын өткөн жумада эскертишкен.
Дагы жүктөңүз
