"Азаттыктын" Бишкек бюросунун видео-журналисти, фотограф. 2015-жылы Кыргыз-Түрк “Манас” университетинин коммуникация факультетин аяктаган.
"Данисте" берүүсүнүн бул жолку чыгарылышын Баткенде чек арада элин-жерин коргоп, курман болгон жоокерлерге арнайбыз. Аскерден кайтаарына аз калган Бекболсун Ырысбек уулу жакында 23 жашка толмок. 26 жаштагы Бейкут Алмаз уулу чек арада өтөгөн кызматы үчүн “Эрдик” медалы менен сыйланган эле.
Баткенге жардам: ыктыярчылар күнү-түнү иштөөдө
Орусиянын жарандыгын алган кыргызстандыктар Түштүк Кореянын Каннын шаарына 2018-жылы Олимп оюндарына даярдык жүрүп жатканда жумушка барган. Деңиз боюнда жайгашкан шаарда жатакана, конок үйлөрү арбын.
Түштүк Кореяда Кыргызстандын 7 миңден ашуун жараны жашап иштейт. Алардын катарында эмгек келишими менен келгендер, орус паспорту менен мыйзамсыз иштегендер, студенттер же этностук корейлер бар. Миңдеген чакырым алыска ийгилик издеп келгендер үйүн сагынып, куса болсо да кара жанын карч уруп жүрүшөт.
Үркүн окуяларына арналып, Бишкектен 5-августта башталган эскерүү жүрүшү 14-августта Ысык-Көлдүн Жети-Өгүз районунда аяктады. Катышуучулар Тосор айылындагы Кыргын-Сайга барып, кыргындын курмандыктарын эскеришти. Бул жерде 300-500 адам жапырт өлтүрүлүп, 13 жаштагы кыз аман калганы айтылат.
Британиялык 18 жаштагы эки кыз Чүй облусундагы балдар үйүндө бир нече күн жашап, тарбиялануучуларды кароого жардам беришти. Алардын бири Британиянын Кыргызстандагы элчисинин жээни. 190дон ашуун бала тарбияланган жайга чет элдик ыктыярчылар келерки жылы да кайтып келүү ниетин билдиришти.
Украинага кол салгандан кийин Орусия эл аралык санцияларга илинип, айрым орусиялыктар башка өлкөлөргө чыгып кетүүдө. Алардын жаздан бери Бишкекке келип жайгашкандары жүздөп саналат. Орусиялыктар Кыргызстанды эс алууга, убактылуу баш калкалоого, иштөөгө ыңгайлуу дешет.
Белгилүү журналист жана публицист Жеңишбек Эдигеевдин “Көк дептер” аттуу китеби жарык көрдү. Бул эмгек автордун он беш жашынан бери жазып келген күндөлүгүнүн негизинде жазылган. Анда автордун ички сезимдери, балалык чагы, студенттик турмушу,
26-июнь - Кыйноо курмандыктарын колдоонун эл аралык күнү. Укук коргоочулар Кыргызстанда тергөөдө, жабык жайларда кыйноого кабылгандар ондоп саналарын айтып келишет. Күч органдарынын ур-токмогу, көрсөткөн түрдүү кыйноолору коомдо ачык айтылбай, зомбулук көргөндөрдүн үнү көп учурда угулбай келет.
Кыргызстанда көп аялдуулукка мыйзам жол бербегени үчүн бул боюнча расмий маалыматтар жок. Мындай тагдырга кабылгандар да турмушу тууралуу дээрлик үн катпай келет. “Данисте” бул берүүдө көп аялдуулукка туш болгондордун жашырынган жашоосун көрсөтөт.
“Камбар-Ата-1” ГЭСинин курулушуна даярдык башталды. ГЭСтин өзүн куруу 2024-жылы башталып, биринчи агрегатын 2028-жылы ишке берүү пландалууда. ГЭС курулуп бүтсө жылына 5,6 млрд. КВт саат электр энергиясын өндүрөт. ГЭСтин плотинасынын бийиктиги 256 метрге жетип, 5,4 млрд. кубдан ашуун суу чогултат.
“Азаттык” радиосунун “Данисте” программасында эски трактор менен бир айылга суу жеткирген мураптын тоодогу тиричилиги. Элдин жүгүн мойнуна алган акын Токмок шаарынын четиндеги дачаны айылга айландыргысы келет. Ош шаарында кыз-келиндердин укугу үчүн күрөшүп жүргөн жаш активисттин кыялы.
Талас облусунда ушул тапта 7000ден ашык күрт улутундагы тургундар жашайт. Көп улуттуу облуста кыргыздардан кийин эле саны боюнча күрттөр турат. Кыргыздар менен салт-санаа, жашоо турмушу окшош күрт элине Кыргызстан өз мекени болуп калды.
Учурда Таласта 400дөн ашуун немис улутундагы жарандар жашайт. Алардын айрымдары бир учурда Германияга кетип, кийин кайра кайтып келишкен. Жергиликтүүлөр менен жуурулушуп, салты аралашкан эл негизинен мал чарба менен алек. Арасында кыргыздар менен куда-сөөк болуп, очор-бачар болгондору да аз эмес.
"Данисте" түрмөгүнүн "Тагдырды өзгөрткөн мугалим" сериясынын каарманы Атыркүл Кутманова. Ал Чаткалдын алыскы айылдарынын биринде 30 жылдан бери математикадан сабак берет. Элеттик агартуучу алыскы айыл жериндеги миңдеген мугалимдин образын тасмада чагылдырып, дүйнөгө таанылган.
54 жаштагы Гүлжамал Калчабаева Алайдын Кабылан-Көл айылында мугалим. Ал пенсияга чыкканына карабай, мектептен кеткиси келбейт.Түмөн түйшүктүү кесип ээлеринин абалы көңүл жылытпайт. Буга чейин өкмөт мугалимдердин айлыгы көтөрүлөрүн айткан. "Данисте" элеттик мугалимдин түйшүгүн көрсөтөт.
Казакстан пандемияга байланыштуу киргизилген чек арадагы чектөөнү алды. Эки жылдан бери кыргыз жарандары жакын турган коңшу өлкөгө учак менен гана каттап, мекенине айлап келе албай жаткан.
Кыргызстандык кыздар алгачкы жолу асманга нано спутник учурушту. Алар спутниктин моделин Казакстандын Алматы шаарында өткөн окууда даярдаган. Ал 3000 метр бийиктикке учуп, аба датчиктери боюнча маалымат чогултту.
Талды-Суу - Алайдагы алыскы айылдардын бири. Деңиз деңгээлинен 3100 метр бийиктикте жайгашкан айылдын кышы узак, жашоо шарты шарты катаал. Эки жыл мурун кыргыз бийлиги бул айылга 80ден ашык Улуу жана Кичи Памирден кыргыздарды жайгаштырып, үй салып берген. "Данисте" Талды-Суу айылындагы памирлик кыр
Дагы жүктөңүз
