Алтынга дүйнөлүк талап жогорулаганы менен, кенди казуу көлөмү кыскарды. Кээ бир талдоочулар алтындын баасы 1000 доллардан төмөн түшөт деп божомолдошууда.
Кыргызстанда карын эне жалдоонун бирден бир себеби – тукумсуздук илдети. Ал тапта Германия, Америка жана Жапон окумуштуулары тукумсуздуктан арылуунун жаңы ыкмаларын ойлоп табышты. Ал эми француз кардиологу даярдаган жасалма жүрөк бейтапка ийгиликтүү которулду.
Кылымдар бою жүрүп жаткан талашка чекит коюлду сымал. Окумуштуулар аялдар менен эркектердин мээлери таптакыр башкача түзүлгөнүн аныкташты. Шотландияда илимпоздор инфарктка, Англияда эмчек рагына, Америкада аутизмге, ал эми Австралияда остеопороз дарттарына шыпаа табышты.
Алгачкы он ай ичинде Кыргызстанга 1.87 миллиард доллар которулган. Декабрдын башынан бери "Центерра Голддун" акциялары, алтын жана мунай баалары көтөрүлө баштады.
Илимпоздор арасында космос мейкиндигиндеги Жерден башка планеталарда суу бар деген божомолдор айтылып келет. Буга суунун суюк, муз жана буу түрүндөгү белгилеринин табылганы негиз берет.
Чыңгыз Айтматовдун чыгармаларын немис тилинде эң көп баскан "Унионсферлаг" басма үйү Швейцарияда жайгашкан. Айтматовдун 27 чыгармасы 1985-жылдан бери немисче 53 жолу басылып чыккан. Аны менен бирге тоолуу Швейцарияда кыргыз шырдактары акыркы үч жылдан бери өзгөчө популярдуу.
Юрий Гагарин менен бирге космоско алгачкы жолу учууга эки кыргызстандык да кошо даярданган.
Кыргызстандын аба мейкиндигин толугу менен ачуу жана "Ачык асман" тартибин киргизүү дагы деле талаш жаратып келатат. Өкмөттүн өзүнүн ичинде да бул маселе эки ача пикир жаратууда.
Улуттук адабият күнүн утурлап, кыргыз поэзиясына суусап турган Британиядагы мекендештерибизге акын Бүбайша Арстанбекованын Англияга келиши чакан майрам болду.
Адистердин эсеби боюнча, Кыргызстан спутник учурса, казынага жылына 200 млн. доллар түшүп турмак.
Индеецтер менен батыш евразиялыктардын гендеринде көп окшоштуктар табылды.
Дүйнөлүк банктын эсеби боюнча, өнүгүп келаткан өлкөлөр коррупция айынан жылына 40 млрд. долларга чейин чыгаша тартат.
Кыргызстанда ИСОН кометасын декабрдан январдын ортосуна чейин телескопсуз көрсө болот. Кытай 2025-жылы Айга адамдарды учурууну көздөп жатат. Кытайлык окумуштуулардын космостук аппараты Айга 1-декабрда сапар тартат. Орусия болсо 2037-жылга чейин Айда илимий базаны курууну пландап жатат. Ал ортодо Европанын космодүрбүсү Саманчынын жолунун алгачкы үч мерчемдүү картасын түзөт.
Акыркы жума ичи эң көп сатылган акциялар арасында "Кыргызгаздын" баалуу кагаздары озуп чыкты. Тажикстандагы авиакеросин таңкыстыгынан кыргыз экономикасы утуп жатат.
Кыргызстан эгемендик алгандан бери өлкөдө катталган аба кемелери 22 жолу кырсыктаган.
Кыргызстанда быйыл кант кызылчасы былтыркыдан 76 миң тоннага арбын жыйналды. Алтын бир апта ичи 64 долларга арзандады. Ал эми риппл криптовалюталардын тизмесин толуктады. 2009-жылдан бери жүгүртүүгө 37 виртуалдык валюта киргизилген.
Рак илдетин дарылоодо мөмө-жемиш менен жашылчанын ролу чоң экенин онкологдор айтып чыгышты. Келечекте нутригеномика жана гентерапиясы көптөгөн дарттарды сакайтууда кеңири колдонулаарын окумуштуулар жар салышты. Ал ортодо илимпоздор сөңгөк клеткаларын, чучукту жана биоинженерияны колдонуп, жаңы ачылыштарга жетишти.
Эгер уча турган машине алгыңыз келсе, аны 2021-жылдан тарта сатып алсаңыз болот. Адистердин айтымында, 2030-жылдан тарта айрым өлкөлөрдө канаттуу машинелер кадимки көрүнүш болуп калат.
Кыргызстанга эң көп инвестиция салган өлкөлөрдүн ичинен Кытай биринчи орунга чыкты. Республиканын тогуз айдагы экспортунун өзөгүн түстүү металлдар түздү. Ал ортодо дүйнөлүк базарларда алтын жана мунай дагы арзандады. Бишкектеги баалуу кагаздар базарындагы соода көлөмү алты эсеге көбөйдү.
Жашоонун негизин түзгөн жана биз ичип жаткан сууну планетабызга астероиддер алып келген деп көп айтылат. Окумуштуулар убагында бетин 26 пайыз суу каптаган планетанын калдыктарын табышты. Суунун Күн системабыздан тыш жерде табылышы – жашоого шарт түзгөн элементтер бар болгонун, балким дагы деле бар экенин далилдейт.
Дагы жүктөңүз
