Улуттук коопсуздук комитети (УКМК) айрым маалымат сайттарына УКМК кызматкерлери муфтий шайлоого аралашты деп тараган маалымат чындыкка дал келбесин билдирди.
“УКМК Кыргызстан мусулмандар дин башкармалыгынын шайлоосуна кийлигишкенге укугу жок. Баш мыйзамда дин мамлекеттик башкаруудан бөлүнгөн”, - деп айтылат билдирүүдө.
“Нур” партиясынын мүчөсү Руслан Бекназаров муфтий шайлоодо айрым талапкерлерге УКМКнын өкүлдөрү кысым жасап, талапкерлигин алдырганын айтып чыккан.
26-июнда Бишкекте Кыргызстан мусулмандарынын жетинчи курултайы өттү. Анда Замир Ракиев муфтий болуп шайланды.
Анын талапкерлигин Аалымдар кеңеши көрсөткөн. Конкурстук комиссиянын элегинен өтүп, Аалымдар кеңешине сунушталган үч талапкердин экөө - Султанали Гапуров менен Шүкүр Исмаилов талапкерлигин алып салышкан. (МТа)
Дагы караңыз
Абактагы Жээнбеков кайрылуу тараттыОоганстандагы кырдаалдан улам Өзбекстанда аскердик машыгуу башталдыКечки Азаттык (3-чыгарылыш)Кечки Азаттык (2-чыгарылыш)