Шайлоо өнөктүгүнө катышкан бир катар маданият жана спорт тармагынын кызматкерлери кызматтан бошотулуп, айрымдарына сөгүш берилди. Бул тууралуу Маданият, маалымат, спорт жана жаштар саясаты министрлиги 28- кабарлады.
Расмий маалыматка караганда, Ош улуттук драма театрынын адабият бөлүмүнүн башчысы Суранчы Жетимишев кызматтан алынып, “Манас” театрынын директору Азиз Биймырза уулу, Алай райондук маданият үйүнүн директору Эрлан Илязов, Токмок шаарындагы бокс боюнча машыктыруучу өздөрү жазган арыздын негизинде ээлеген кызматтарынан бошотулду.
Мындан сырткары А.Сүйүнбаев атындагы Куршаб балдар музыкалык мектебинин мугалимине, Кыргыз улуттук "Манас Ордо" комплексинин директорунун орун басары Марат Раишовго сөгүш берилди.
Кыргызстандын жогорку бийлиги парламенттик шайлоого аралашкан мамлекеттик кызматкерлер жумуштан эле алынбастан, жоопкерчиликке да тартыларын айтып келүүдө. Ушундай жүйө менен буга чейин бир катар чиновниктер кызматтан кеткен.
Парламенттик шайлоо 28-ноябрда өтөт. Үгүт иштери 29-октябрда башталган.
Дагы караңыз
ЮНЕСКО Кыргызстандын демилгеси менен мөңгү резолюциясын кабыл алдыМэрия троллейбустар саат 22:00гө чейин жүрө турганын билдирдиРавшан Жээнбековдун тарапташтары БШКнын астында акцияга чыктыЕККУнун парламентарийлери Кыргызстандагы шайлоого байкоо салатШайлоо-2021: 730 эл аралык байкоочу каттоодон өттү