Москва: Айтматовдун айкели ачылды

Айтматовдун айкелин анын бир тууган карындашы Роза Айтматова, Кыргызстандын Орусиядагы элчиси Болот Жунусов, Кыргызстандын маданият министри Султан Раев жана айкелдин тургузулушуна каражат кошкон мекендешибиз Эмилия Түгөлбай ачышты.

Эстеликтин автору - Орусия Федерациясынын Эл сүрөтчүсү Георгий Франгулян. Ага каражатты Кыргызстандын Орусиядагы элчилиги, Айтматовдун күйөрмандары, чет өлкөдө жашаган кыргызстандыктар которгон.

Маданият министри Султан Раев сөз сүйлөп жатат.

Евгений Сидоров, орусиялык адабий сынчы.

Азербайжандын Орусиядагы элчиси, СССР Эл артисти Полад Бюль-Бюль оглы "Москвалыктар Чынгыз Айтматовдун эстелигин коргон сайын кыргыздар жалан эмгек мигранттары эмес, кыргыздар - акылман эл, интеллектуалдары, таланттуулары көп эл экенин эстей жүрүшсүн" деп айтты.

Наталья Аринбасарова - Орусиянын эмгек сиңирген артисти. Анын кинодогу чыйыры Айтматовдун "Биринчи мугалим" повести боюнча 1965-жылы тартылган ушундай эле аталыштагы Андрей Кончаловский тарткан фильмде башк каарман - Алтынайдын ролун аткаруу менен башталган.

Орусиянын ордо шаарында "Айтматовдун дүйнө таанымы" аттуу илимий конференция жана сүрөт көргөзмөсү да болууда.

Айтматовду эскерген маданий иш-чаралар 25-26-октябрь күндөрү Москвада жана Татарстанда уланат.