Кыргызстандын президентине караштуу Мамлекеттик тил боюнча улуттук комиссиянын төрагасы болуп тилчи-окумуштуу Сыртбай Мусаев дайындалды. Тиешелүү жарлыкка президенттин милдетин аткаруучу Талант Мамытов кол койгону тууралуу маалымат 21-январда президенттин порталына расмий жарыяланды.
Сырбай Мусаев - Ишеналы Арабаев атындагы Кыргыз мамлекеттик университетинин «Манас» таануу жана лингвистика институтунун директору, профессор, Кыргыз улуттук илимдер академиясынын корреспондент-мүчөсү, учурда иштеп жаткан Конституциялык кеңешменин мүчөсү.
Кусейин Карасаев атындагы БГУнун ректору, КТРКнын (ал кездеги КТР) президенти кызматтарын да аркалаган.
Дагы караңыз Алфавит реформасы кайра талкууга түштүСыртбай Мусаев - латын алфавитинин кыргыз тилине тиешелүү вариантын реформалоо, кыргыз тилинин саясий макамы тууралуу публицисттик эмгектердин автору, эне тилдеги орфографияны реформалоо демилгесин көтөргөндөрдүн бири.
Мамлекеттик тил боюнча комиссиянын буга чейинки жетекчиси, тилчи-окумуштуу Назаркул Ишекеев өз арызы менен ээлеген кызматынан бошотулган. (TSh)