Өкмөттүк эмес уюмдардын ишмердүүлүгүн көзөмөлдөөгө багытталган мыйзам долбоору боюнча парламенттик талкуу өттү. Укук коргоочулар талкуу карантин режимине карабастан өткөрүлө турганын сынга алышты. Көбү талкууга катышкан жок, айрымдары Ак үйдүн тышында акция өткөрүштү.
Талкууда Жогорку Кеңештин депутаты Бактыбек Райымкулов мыйзам сөз эркиндигин чектебей турганын билдирди.
"Мыйзам кабыл алынса элдин баарына ачык маалымат берилет. Силердин кылып жаткан ишиңер түз жетсе, элдин да ишеними болот. "Сөз эркиндигине кысым болот" деген сөздөр буга чейин да айтылып келген. Бул мыйзам кабыл алынса, эч кандай чектөө болбойт. Мыйзамда кайсы бир мамлекеттик орган көзөмөлгө алсын деген да сөз жок".
Бирок демилге жарандык коомдун өкүлдөрүн, парламент мүчөлөрүн жана эл аралык коомчулукту тынчсыздандырып жатат.
Парламенттик угууга катышкан Бириккен Улуттар Уюмунун Кыргызстандагы туруктуу координатору Озонниа Ожиело өкмөттүк эмес уюмдардын ишин көзөмөлдөөгө багытталган мыйзам долбооруна тынчсыздануусун билдирди.
"ӨЭУ көбүнчө өкмөт менен муктаж адамдардын ортосундагы көпүрө болот. Активдүү коомдук лидерлердин жардамы менен алар калктын аялуу катмарына, анын ичинде майыптыгы барларга, ВИЧ менен ооругандарга, гендердик запкынын курмандыктарына, радикалдашуу жолунда турган жаштарга жардам берүүдө өкмөткө көмөктөшөт. Калктын мындай катмарынын реинтеграция болушуна, гүлдөгөн коом түзүүгө жардам берет".
Озонниа Ожиело мыйзам долбооруна жарандык коом, коомчулук, айрым депутаттар, эл аралык коомчулук олуттуу тынчсызданып жатканын айтты.
Документтеги сунуштар БУУнун Адам укугу тууралуу кеңешинин резолюциясына каршы келери тууралуу Венеция комиссиясынын мүчөлөрү менен БУУнун баяндамачыларынын эксперттик пикирин окуп берди.
Кыргызстан узак жылдар бою демократияны тааныган өлкө катары эл аралык чөйрөдө аброюн сактап келатканын, мамлекетте эркин жыйын, ассоциация, сөз эркиндиги бар экенин эске салды. БУУ аталган мыйзам долбоору Кыргызстандын эл аралык аренадагы аброюна доо кетирет деп бушайман болуп жатканын кошумчалады.
Thank you Azis. We hope that the Parliament will seek to mobilize all sections of the society towards a partnership for solving the challenges we see today. This draft amendment law unfortunately detracts from this purpose. https://t.co/Wk3pqwua9J
— Ozonnia Ojielo (@ozonnia) May 22, 2020
Учурда социалдык тармактарда жана укук коргоочулар арасында бул талкуу сынга кабылды.
Айрым укук коргоочулар талкууга кирбей калганын айтышып, Жогорку Кеңештин алдында акция өткөрүштү.
Коммерциялык эмес жана өкмөттүк эмес уюмдардын ишин жөнгө салуучу мыйзамдарды өзгөртүүчү мыйзам долбоорун Жогорку Кеңештин депутаты Бактыбек Райымкулов баштаган депутаттар тобу иштеп чыгып, коомдук талкууга январь айынын башында койгон.
Бейөкмөт уюмдар боюнча коомдук угууга келгендерди да туура үйрөтө алышпайт да. Бул байкебиз "мамлекет сырттан 4 млрд. доллар карыз алса анын жарымы бейөкмөт уюмдарга кетиптир" дейт. pic.twitter.com/dmNwxt4fS6
— Bakyt Torogeldi uulu (@BakytTorogeldi) May 22, 2020
невозможно слушать парламентариев (( уровень их мышления, уровень их выступлений, уровень их образованности и осведомленности - это сплошной трэш и ад.
— Aliya (@TengryBird) May 22, 2020
На парламентские слушания не пустили многие НПО. Зато пришли никому неизвестные своей общественно-полезной работой люди, которые называют себя НПО и говорят, что это хороший закон. Которые путают кредиты и гранты. Нанятые актеры в общем.
— Бегаим (@Begaim) May 22, 2020
Насчет закона об отчетности НКО - туда подпадают партии (1) и религиозные орг. (2), вот по ним я бы хотел знать, кто их финансирует - какие такие добрые бородатые люди и экс-таможенники. Но в законе про 1 и 2 нет требования сдавать детальные отчеты о доходах. Однобоко однако.
— Улан (@Djumasheff) May 22, 2020
Примут закон- никаких денег от западных агентов.Международное сообщество должно стоять на своём!Посмотрим как будут выживать это правительство,власть и государственная машина.
— Freedom in My Veins (@FreedomInMyVein) May 22, 2020
Март айынын башында Жогорку Кеңеште мыйзам долбоору биринчи окууда кабыл алынган. «Макул» деп 100 депутат добуш берип, тогуз депутат каршы болгон.
Эгер мыйзам кабыл алынса, коммерциялык эмес уюм жыл сайын каржы маселелери тууралуу өкмөт аныктаган формада отчёт берип турууга милдеттүү болот. Бул талапты аткарбаса мыйзам чегинде жоопко тартылат.
Эскертүү!
«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.