25-ноябрдан тарта Кыргызстанда аялдарга карата зомбулукка каршы он алты күндүк өнөктүк жүрүп жатат. "Азаттыктын" кабарчылары зомбулук көрүнүштөрүнө, себептерине, мындай фактылардын ачыкка чыгуу тенденциясында өзгөрүү бар-жогуна кызыкты.
Кыргызстанда аялдарга карата зордук-зомбулук үй-бүлөдө, айрыкча элетте жашаган бүлөлөрдө арбын кездешери жашыруун эмес. Коомчулуктун жана аялзаттын өзүнүн “эрди-катын урушат, эси кеткен болушат” деген түшүнүктөн арыла албай жатышы бул өнөкөттүн жашоосу уланышын шарттоодо.
Күйөөсүнөн кордук көргөн аял эзели укугун ачык коргоп чыкпайт, ага жараша айрым эркектер аялын муштум менен тарбиялоону кадыресе көрүнүш деп санашат. Нарындан Токтосун Шамбетовдун радиобаяны:
Сиздин браузер HTML5 ыкмасын колдобой жатат.
"Күйөөмдүн ур-токмогуна чыдай албадым"
Милиция же түрмө кызматкерлери тарабынан кыйноого эркектер гана эмес, аялдар да кабылып келет. Укук коргоочулар статистика боюнча аялдар тууралуу фактылар аз болгону менен, кыйноонун мүнөзү эркектердикинен жумшак эмес дешет. Ал турсун сексуалдык зомбулукка учурагандары да бар.
Ички иштер министрлиги мындай ырастоолорду четке какса, Башкы прокуратура абак жайларда кыйноо фактылары быйыл кыскарганын билдирди. Азиза Култаева баяндайт:
Сиздин браузер HTML5 ыкмасын колдобой жатат.
Абакта кыйноого аялдар да кабылат
Сойкулукту кесип кылган кыз-келиндер арасында да зомбулукка кабылгандар бар. Караколдон кабарчыбыз Мария Колесникова мурда сойкулук менен алектенген айымды жана социалдык теңсиздикте жашаган жарандар менен бирге сойкулардын да укугун коргогон коомдук уюмдун өкүлдөрүн кепке тартты:
Сиздин браузер HTML5 ыкмасын колдобой жатат.
"Сойку кыздар аргасыздан жем болушат"
Аялдардын мүлккө болгон укугун никеси расмий каттабаган учурда коргоо өтө оор. Оштогу "Ак жүрөк" кризистик борборуна бир жылда жети жүздөн ашуун кыз-келин кайрылган. Алардын негизги көйгөйү - үй-бүлөдөгү зомбулук, ажырашуудан кийин мүлк бөлүштүрүү, алимент алуу маселесинен улам тутанган чыр-чатактар. Кабарчыбыз Эрнист Нурматовдун радиобаяны:
Сиздин браузер HTML5 ыкмасын колдобой жатат.
"Кул болуп иштедим деген аялдар келет"
Кыргызстанда расмий маалымат боюнча быйыл он айда үй-бүлөдөгү зомбулуктун айынан 11 аял каза тапкан. Ички иштер министрлигинин коомдук коопсуздукту сактоо башкармалыгынын бөлүм башчысы Алмаз Молдакматов кабарчыбыз Бакыт Асанов менен маегинде үй-бүлөдөгү зомбулук фактыларынын ачыкка чыгуу тенденциясындагы өзгөрүүлөрдү айтып берди:
Сиздин браузер HTML5 ыкмасын колдобой жатат.
ИИМ: Он айда аялдарга карата зомбулук боюнча 2162 учур катталды
