Сыдыгалы Ибраимов 10 жылдан бери помидор өстүргөн дыйкан. Ал Сокулук районундагы Озерное айылындагы үч гектар жерди ижарага алып иштетет. Быйылкы аптапта помидорлор эрте бышып, дыйкан жалдаган 15 киши аны жыйноого үлгүрбөй жаткан учурда бардык. (Гүлжан Турдубаеванын сүрөт баяны)
Помидор талаасындагы кайнаган иш
Сыдыгалы Ибраимов 10 жылдан бери помидор өстүрүп келет.
Сыдыгалы күн сайын помидор салынган кутуларды Ош базарынан тандап алат.
Чет өлкөдөн банан салынып келген кутулардын баасы 20-50 сомдон. Дыйкан мындай кутудан 150дөн кем албайт.
Кутуга салынган помидорлор Ош, Жалал-Абад, Нарын облустарынын базарларына жөнөтүлөт.
Бир килограмм помидордун талаадагы дүң баасы 5-9 сом болгону менен алып сатарлар ага канча сом кошору дыйканга белгисиз. Бирок ушу күндө Бишкектин базарларында помидор 25-45 сомго сатылып жатканын көрүүгө болот.
Үч гектар жердеги помидордон Сыдыгалы 4 тоннадан 100 тоннага чейин түшүм алам деген үмүттө. Ошондо 300 миң сомдон ашык жумшаган чыгымын актоого болот.
Үй-бүлөсү менен үч айдан бери талаада иштеп жаткан Айсулуу үч баласы менен мектепке бара турган кызынын кем-карчын толуктоо үчүн бери дегенде 40 миң сом топтойм деген ойдо.
Дыйкан помидор талаасында кеминде 10-15 адамды иштетип, убактылуу иш менен камсыз кылат.
Таңкы алтыдан кечки бешке чейин иштегендер күнүнө 500 сомдук эмгек акы алат.
Талаада иштегендердин эңсеп ичкен суусундугу муздатылган чай.