Жети-Өгүз районунун Светлая Поляна айылынын тургундары Кадырбек Айдаров менен Ирина Койполова үч эмдүү болушту. Уулдарына Өмүрбек, Алмазбек, кызына Роза деп ырымдап, айтылуу саясый ишмерлердин ысымдарын ыйгарышты.
2005-жылы Бишкекте жаңы төрөлгөн эгиз балдарга Курманбек жана Феликс деп ырымдап ат коюшканы бар.
“Азаттык”: Бешик боо бек болсун!
Кадырбек Айдаров: Рахмат.
“Азаттык”: Үч эм качан, кайсы төрөт үйүндө, саат канчада төрөлдү?
Кадырбек Айдаров: Жети-Өгүз районундагы төрөт үйүндө бир ай мурда, 28-ноябрда төрөлдү.
“Азаттык”: Биринчи кимиси жарыкка келип, ыңаалап түштү?
Кадырбек Айдаров: Биринчи Өмүрбек, экинчи Роза, анан кийин Алмазбек төрөлдү.
“Азаттык” : Үч эмдин ысымын ким койду?
Кадырбек Айдаров: Өзүбүз эле койдук.
“Азаттык”: Жубайың Иринанын ден соолугу жакшыбы? Наристелердин салмактары канча килограмм болду?
Кадырбек Айдаров: Рахмат, саламаттыгы жакшы. Балдардын салмагын так билбейм, бирок 2 килограммдан ашыгырак болду.
“Азаттык”: Өмүрбек, Роза, Алмазбек деп ырымдап койгонуңар жакшы. Бирок баягы Феликс-Курманбек тандеминдей болуп үчөө жыдып калса өкүнүп калбайсыңарбы?
Кадырбек Айдаров: Мен аларга кызыкпайм. Балдарым өмүрлүү, бактылуу болсун деп ушул ысымдарды койдук. Анын үстүнө биз ысымын койгон адамдар эл арасында төбөсү көрүнүп калган адамдар да. Өзүбүз деле ошол инсандарды сыйлайбыз.
“Азаттык”: Бул үч эмден башка дагы балдарыңар барбы?
Кадырбек Айдаров: Бар. Үч эмди кошкондо сегиз болду. Төрт уул, төрт кыз.
“Азаттык” : Жаңы төрөлгөн үч эмден башка дагы эгиздер барбы?
Кадырбек Айдаров: Ооба, булардан мурдагылары эгиз балдар. Үч жашта.
“Азаттык”: Жергиликтүү бийлик тарабынан кандай жардам берилди?
Кадырбек Айдаров: Ысык-Көл облусунун губернатору айылдан 250 миң сомго үй алып берди. Райондун акими 50 миң сом жардам берди.
“Азаттык” : 50 миң сомду үч эмге жумшадыңарбы же бапыратып бешик той берип таштадыңарбы?
Кадырбек Айдаров: Жок, эгиздер үчүн деп саан уй алдык. Анан калганын кийим-кечек алып бердик.
“Азаттык”: 250 миң сомдук үйүңөр жаңыбы? Канча бөлмө?
Кадырбек Айдаров: Үч бөлмөлүү. Эми орточо. Өтө эски эмес, өтө жаңы эмес. Азырынча эки бөлмөдө жашап жатабыз.
“Азаттык”: Силердин үй-бүлөгө тардык кылбайбы?
Кадырбек Айдаров: Эми чыдап жашап жатабыз. Айылда мындан жакшы үйлөр деле жок.
“Азаттык”: Азыр кыш. Отун-сууңузду камдап алдыңыз беле? Таш көмүрүңүз барбы?
Кадырбек Айдаров: Айыл өкмөтү таш көмүр алып беребиз деген. Мен жумуштан бошобой, барып ала албай жатам. Дем алыш күнү унаа алып барып тартып келем го.
“Азаттык”: Сиздин жашыңыз канчада?
Кадырбек Айдаров: Буюрса кырк бирге чыктым.
“Азаттык” : Жубайыңыз кайсы айылдын кызы?
Кадырбек Айдаров: Келинчегим Койполова Ирина Бекбоевна Жумгал районундагы Дыйкан айылынан болот.
“Азаттык”: Сиз эмне жумуш кыласыз?
Кадырбек Айдаров: Мен "Ак жалга" акционердик коомунда тракторист болуп иштейм.
“Азаттык”: Үч эмди догдурлар күнүгө көзөмөлдөп, карап турушабы же бир жумада бир келип жатышабы?
Кадырбек Айдаров: Айылдык фельдшерлер, ФАПтагылар келип жатышат.
“Азаттык”: Өзүңүз механизатор экенсиз, сиз жумушка кеткенде жубайыңызга ким жардам берип жатат?
Кадырбек Айдаров: Кыздарым бар. Он биринчи класста анан 8-класста окуган кыздарым бар. Андан кийинки уулум 7-класста окуйт. Андан кийинки эгиздер үчтө.
“Азаттык”: Кадырбек мырза, үй-бүлөңүз жергиликтүү бийлик тарабынан, коомчулук тарабынан жардамга муктажбы?
Кадырбек Айдаров: Азыр ушундай экономикалык кризис болуп турган чакта жардамга муктаж элебиз. Үч эмге витаминдүү балдардын тамагы түтпөй жатат.
“Азаттык”: Үч эмдин жана башка уул-кыздарыңыздын ден соолугу бекем, өмүрлүү, бактылуу болуп, кыргыз эли сыймыктанган азаматтардан болсун.
“Азаттык”: Бешик боо бек болсун!
Кадырбек Айдаров: Рахмат.
“Азаттык”: Үч эм качан, кайсы төрөт үйүндө, саат канчада төрөлдү?
Кадырбек Айдаров: Жети-Өгүз районундагы төрөт үйүндө бир ай мурда, 28-ноябрда төрөлдү.
“Азаттык”: Биринчи кимиси жарыкка келип, ыңаалап түштү?
Кадырбек Айдаров: Биринчи Өмүрбек, экинчи Роза, анан кийин Алмазбек төрөлдү.
“Азаттык” : Үч эмдин ысымын ким койду?
Кадырбек Айдаров: Өзүбүз эле койдук.
“Азаттык”: Жубайың Иринанын ден соолугу жакшыбы? Наристелердин салмактары канча килограмм болду?
Кадырбек Айдаров: Рахмат, саламаттыгы жакшы. Балдардын салмагын так билбейм, бирок 2 килограммдан ашыгырак болду.
“Азаттык”: Өмүрбек, Роза, Алмазбек деп ырымдап койгонуңар жакшы. Бирок баягы Феликс-Курманбек тандеминдей болуп үчөө жыдып калса өкүнүп калбайсыңарбы?
Кадырбек Айдаров: Мен аларга кызыкпайм. Балдарым өмүрлүү, бактылуу болсун деп ушул ысымдарды койдук. Анын үстүнө биз ысымын койгон адамдар эл арасында төбөсү көрүнүп калган адамдар да. Өзүбүз деле ошол инсандарды сыйлайбыз.
“Азаттык”: Бул үч эмден башка дагы балдарыңар барбы?
Кадырбек Айдаров: Бар. Үч эмди кошкондо сегиз болду. Төрт уул, төрт кыз.
“Азаттык” : Жаңы төрөлгөн үч эмден башка дагы эгиздер барбы?
Кадырбек Айдаров: Ооба, булардан мурдагылары эгиз балдар. Үч жашта.
“Азаттык”: Жергиликтүү бийлик тарабынан кандай жардам берилди?
Кадырбек Айдаров: Ысык-Көл облусунун губернатору айылдан 250 миң сомго үй алып берди. Райондун акими 50 миң сом жардам берди.
“Азаттык” : 50 миң сомду үч эмге жумшадыңарбы же бапыратып бешик той берип таштадыңарбы?
Кадырбек Айдаров: Жок, эгиздер үчүн деп саан уй алдык. Анан калганын кийим-кечек алып бердик.
“Азаттык”: 250 миң сомдук үйүңөр жаңыбы? Канча бөлмө?
Кадырбек Айдаров: Үч бөлмөлүү. Эми орточо. Өтө эски эмес, өтө жаңы эмес. Азырынча эки бөлмөдө жашап жатабыз.
“Азаттык”: Силердин үй-бүлөгө тардык кылбайбы?
Кадырбек Айдаров: Эми чыдап жашап жатабыз. Айылда мындан жакшы үйлөр деле жок.
“Азаттык”: Азыр кыш. Отун-сууңузду камдап алдыңыз беле? Таш көмүрүңүз барбы?
Кадырбек Айдаров: Айыл өкмөтү таш көмүр алып беребиз деген. Мен жумуштан бошобой, барып ала албай жатам. Дем алыш күнү унаа алып барып тартып келем го.
“Азаттык”: Сиздин жашыңыз канчада?
Кадырбек Айдаров: Буюрса кырк бирге чыктым.
“Азаттык” : Жубайыңыз кайсы айылдын кызы?
Кадырбек Айдаров: Келинчегим Койполова Ирина Бекбоевна Жумгал районундагы Дыйкан айылынан болот.
“Азаттык”: Сиз эмне жумуш кыласыз?
Кадырбек Айдаров: Мен "Ак жалга" акционердик коомунда тракторист болуп иштейм.
“Азаттык”: Үч эмди догдурлар күнүгө көзөмөлдөп, карап турушабы же бир жумада бир келип жатышабы?
Кадырбек Айдаров: Айылдык фельдшерлер, ФАПтагылар келип жатышат.
“Азаттык”: Өзүңүз механизатор экенсиз, сиз жумушка кеткенде жубайыңызга ким жардам берип жатат?
Кадырбек Айдаров: Кыздарым бар. Он биринчи класста анан 8-класста окуган кыздарым бар. Андан кийинки уулум 7-класста окуйт. Андан кийинки эгиздер үчтө.
“Азаттык”: Кадырбек мырза, үй-бүлөңүз жергиликтүү бийлик тарабынан, коомчулук тарабынан жардамга муктажбы?
Кадырбек Айдаров: Азыр ушундай экономикалык кризис болуп турган чакта жардамга муктаж элебиз. Үч эмге витаминдүү балдардын тамагы түтпөй жатат.
“Азаттык”: Үч эмдин жана башка уул-кыздарыңыздын ден соолугу бекем, өмүрлүү, бактылуу болуп, кыргыз эли сыймыктанган азаматтардан болсун.