Кочкордогу мектеби жок окуучулар
Сиздин браузер HTML5 ыкмасын колдобой жатат.
Кочкор районунун Туз айылындагы окуучулар ушу тапта ФАПтын эски имаратында, айылдын клубунда жана спорт залда окуп жатышат. Анткени айылдагы мектептин имараты өткөн жылы жабылган. Буга ата-энелердин "имараттан чыккан уулу зат балдарыбыздын саламаттыгына зыян" деген дооматы себеп болгон. Ал эми өкмөт жаңы мектептин курулушу жай алды менен башталып, 2020-жылы пайдаланууга берилерин айтып жатат. Мектеп курулганга чейин окуучулар тар, эски жана суук имараттарда дагы эки жыл билим алууга аргасыз.