Бажы биримдигине киргенден Кыргызстан утабы же экономикалык акулаларга балык сымал жутулуп кетеби?
Жакында Кыргызстанга келген Орусиянын Бажы кызматынын башчысы Андрей Бельянинов Кыргызстанды тез арада Бажы биримдигине кирүүгө чакырды.
Кыргыз өкмөтү быйыл толук даярдыкты көрүп, келерки жылдан аталган биримдикке кадам таштоо ниетин жарыялаган болчу. Ошол эле учурда Бажы биримдигине кирели-кирбейли деген талкуу азыр да күчүндө.
"Азаттыктын" “Ыңгайсыз суроолор” телепрограммасынын бул жолку чыгарылышы ушул темага арналды.
Талкууга Кыргыз нефтетрейдерлер ассоциациясынын башчысы, экономика илимдеринин доктору Жумакадыр Акенеев жана Жогорку Кеңештин депутаты Өмүрбек Абдрахманов катышты.
