Президенттин жарлыгына ылайык, 7-8-ноябрь быйылтан тарта Тарых жана ата-бабаларды эскерүү күнү катары белгиленип жатат.
Бабалардын элесине таазим
Октябрь революциясынын 100 жылдыгына жана Тарых жана ата-бабаларды эскерүү күнүнө байланыштуу бүгүн Кыргызстанда бир катар иш-чаралар уюштурулду.
Президент Алмазбек Атамбаев, жаңы шайланган президент Сооронбай Жээнбеков, парламент төрагасы Дастанбек Жумабеков, премьер-министр Сапар Исаков жана Жогорку Соттун төрайымы Айнаш Токбаева “Ата-Бейит” мемориалдык комплексине жана Апрель ыңкылабынын баатырлары эстелигине барып куран окуду.
Мындан тышкары өлкө жетекчилери Ата Мекендик согушта, Үркүндө, саясий репрессияда курман болгондордун жана Чыңгыз Айтматовдун эстелигине гүлчамбар коюшту.
Андан соң мамлекет башчысы Алмазбек Атамбаев Бишкектеги Кыргызстан жана Орусия элдер достугу монументинин жанындагы гүлбактын ачылыш салтанатына катышты.