Кана балдар, кайталайбыз,
“Кайта” деген - вновь болот,
Калп, жалган сөз - ложь болот.
Кан деген сөз - кровь болот,
Каш дегениң - бровь болот.
Бектемиров, бери кара?
Безгек деген - дрожь болот,
Шак-шак этсе - хлоп болот.
Маңдай, чеке - лоб болот,
Мөөнөт деген - срок болот.
Сөздөгү муун - слог болот,
Сөлкөбайың - грош болот.
Бөлчөк деген - дробь болот,
Ордобаев жөн отургун!
Отун деген - дров болот.
Үңкүр деген - грот болот,
Флот деген - флот болот.
Нары десең - прочь болот,
Молотабыт - гроб болот.
Момолойлор - крот болот,
Орозбаев оозуң ачпа,
Ооз деген - рот болот.
Сколько?, - дейт - канчаны,
Спина дейт - арканы.
Эми балдар келгиле,
Бир орусча, бир кыргызча,
Сөз алмашып айталы?
Аба деген - воздух болот,
А дружба - достук болот.
Аптап деген - жара болот,
А взятка - пара болот.
Белить десе - акта болот,
Беткап деген - маска болот.
Деньги деген - акча болот,
Темир тумак - каска болот.
Друг эмес, Дубанаев,
Другой деген - башка болот.
Автопаанек - гараж болот,
Спор деген - талаш болот.
Баш кесер бул - палач болот,
Палка деген - таяк болот.
Обыкновение - адат болот,
Оружие - жарак болот.
Деңиз шамын - маяк дешет,
Этаждарды - кабат дешет.
Зым арканды - канат дешет,
Тамекини - табак дешет.
Обычай бул - адат болот,
Учет деген - санак болот.
Жолум үйлөр - барак болот,
Жолдубаев тынч олтургун!
Жол куржундар - багаж болот.
Кол таңгактар - пачка болот,
Кол араба - тачка болот.
"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.