Эсиң болсо тоок бак...

Күнүнө бир тоокко орточо 100-120 грамм жем кетет. Тооктун туушу үчүн керек болгон заттын баары жемге кошулат.

Эгер бир тоок өлүп калса анын ордуна башкасын кошуп коюуга болбойт. Анткени бардыгы бир жашта жана бирдей породада болушу шарт. Болбосо тооктор өлүмгө учурайт.

Тоок кармаган жай таза жана караңгы болуш керек. Колдон келсе күн нурун киргизбеш керек.

Шейвер тоогу корозго муктаждыгы жок жана жумуртка багытындагы порода.

Ферманын ичине атайын өзүнчө кийим кийиш керек жана ар дайым дезинфекциялоо талапка ылайык. Болбосо тооктор назик жандык болгондуктан жугуштуу оорулар пайда болот.

Тоок ферманын тышкы көрүнүшү

Шейвер тоогу жылуулукту сүйөт. Кышкысын ферманын температурасы 22-23 градус жылуу болушу шарт.

Фермадагы тооктор бир жаштагы жана бирдей породада болуусу шарт. Болбосо бирин-бири чокуп өлтүрүп коюшу мүмкүн.

Тоокторго күнүнө 3 маал: эртең менен, түштө жана кечинде жем берилет. Тооктордун алдында дайыма суу турушу керек.

Тооктун да тооктой түйшүгү бар. Тооктун кыгын ушинтип мүшөктөргө салышат. Көбүнчө кыкты жер семирткич катары колдонушат.

Жумуртканы дүңүнөн 5-5,5 сомдон сатышат. Кытай жумурткалары бааны кыйла арзандатып жиберген. Негизги кардарлар жергиликтүүлөр болуп саналат.

Күнүнө 100 тооктун 85-90у жумуртка берет. Суукта бул көрсөткүч 40 пайызга чейин түшүп кетиши ыктымал.

Шейвер тоогу 1,5 жылга чейин тынымсыз жумуртка берет.

Учурда ферманы Бакай иниси экөө иштетет.